اهلا بيكم لتالت مرة فى نفس الموضوع
النهاردة يا جماعة انا عايز اوضح ليكم 3 نقط بجد مهمين ولازم تفهموهم كويس
اولا انا عايز اعتذرلكم على التاخير فى تكملة الحكاية بس والله يا جماعة انا عايز اوضح حاجتين اولهم ان انا والله بكتب لما احس ان انا حاسس انى لازم اكتب والحاجة التانية واحد هيقول طيب اكتب القصة كلها مرة واحدة وده برضه مش ينفع لانى بتكلم عن حياتى مش على قصة انا قريتها او سمعتها يعنى بكتب حاجة انا عشتها وتعايشتها فلازم اكتب كل حاجة فيها حتى ولو مش مهمة للاخرين فبالتالى الكلام كتير اوى والله لان كل حاجة فى الحكاية بالنسبالى كبيرة اوى اوى
فياريت محدش يزعل منى على التاخير
وده كان اولا ودى طبعا حاجة مهمة ان محدش يكون زعلان منى
اما ثانيا فانا عايز اطلب منكم طلب وياريت تفهموه
ياريت ماحدش يظن ظن وحش سواء فيا او فى الانسانة اللى انا بتكلم عليها مهما حكيت لان محدش فيكم يعرفنا كويس
فياريت تقدروا ان الكلام ده عن اتنين بيحبوا بعض بجد
نيجى بقى لثالثا
ثالثا انا عايز اكتب النهاردة وعلشان كدة انا هكتب
انتهينا المرة اللى فاتت عند النتائج واااااااااه من النتائج
احنا اتفقنا ان الكلام الليلى ده حاجة جميلة بجد وانصح اى حد ما جربهاش انه ما يجربهاش ويكتفى بالكلام النهارى او العادى لان نتائجه صعبة اوى
ابتدى معايا يا جماعة احساس انى مش بتكلم فى التليفون بس
لأ
ابتديت احس انى بتكلم معاها وهى قاعدة قدامى معايا فى نفس الاوضة
لأ
دى قاعدة جنبى ، ما انت تخيل ان الانسانة اللى بتحبهه بتتكلم معاها الساعة تلاتة الفجر او اربعة والدنيا زى ما قولنا هسسسسس وهى كمان بتهمس فانت طبيعى هتحس انها مش بتهمس فى التليفون لأ دى قاعدة جنبك وجنبك اوى كمان وبتهمس فى ودنك حاسس بالهوا اللى بيخرج من شفايفها
تخيل بقى ده اللى بيحصل
طبيعى بعد مكالمتين بالظبط هتحس انك نفسك يكون حبيبك جنبك بجد
بس جنبك ازاى
جنبك ومفيش حد تانى جنبكم يعنى انت وهو وحبكم الطاهر والله
وبس
فعلا احساس سيطر عليا بطريقة غبية او بالاصح بطريقة جميلة
بس الخوف فى انك تقول الاحساس ده قدام حبيبك
اينعم احنا اتفقنا ان هو بيحس بيك بس فى كدة صعب اوى انه يفهمك
طيب هنقول انه فهمك رد فعله هيكون ايه
هيوافق ولا مش هيوافق
سؤال فرض نفسه جامد جدا
ومش هينفع انى اتوقع الاجابة وبرده مش هينفع انى ابوح باحساسى الا اذا كنت على الاقل مطمن من الاجابة بتاعتها بنسبة لا تقل عن 50 فى المية
بس صدقونى والله الحكاية كانت اسهل بكتيييييييير مما كنت افكر فيه
لان الحمد لله كان معايا انسانة بجد عرفتنى اكتر من اى حد فى الدنيا اكتر من ابويا اكتر من امى اكتر من نفسى كمان
وفعلا ابتديت اطلع الاحساس اللى جوايا واحدة واحدة
ولانه احساس حقيقى وطاهر وكان مافيهوش تصنع صدقونى طلع سهل اوى وطلع نضيف وواضح
طبعا عايزين تعرفوا اى اللى انا قولته او ايه طريقة الطلب
والله بنفس الطريقة اللى هاقولها
بصى يا 0000000 انا بصراحة نفسى اطلب منك طلب وعلشان خاطرى ياريت تفهميه صح وياريت تردى عليا دلوقتى انا بجد نفسى اكون انا وانتى مع بعض
وهى قالتلى ما احنا كل يوم مع بعض ( مع ان هى كانت حاسة انا اقصد ايه بس الطبيعة النساائية ) فكان لازم انى اوضح كلام هو فى الاصل مفهوم
فقولت انا نفسى اكون انا وانتى نكون مع بعض بس لوحدنا ولوحدنا وبس
( الكلام ده كله الساعة اربعة الفجر وبالهمس )
قالتلى ازاى يعنى
ساعتها بقى قلبى دق حوالى 360 دقة فى الثانية الواحدة
وبجد والله يا جماعة انا مش بكدب فى اى حاجة من اللى بقولها او ببالغ فى اى احساس انا قولته او هاقوله فى الحكاية من البداية للنهاية
المهم خفت جدا وفرحت جدا
خفت لانى مش عارف اقول ازاى الاحساس اللى مموتنى من جوايا
وفرحت لانى سمعت فى نبرة صوتها حاجة هى عايزة تقولهالى
سمعت فى النبرة ان هى بتقولى قول يا هيثم وما تخفش قول لانى بجد حاساك وحاسة باللى انت عايز تقوله
المهم قمت جمعت كل قوايا بس مش الجسمانية لأ كل قوايا العاطفية واغمضت عينى وقولتلها بصى بقى بجد يا 0000000 انا نفسى اكون انا وانتى لوحدنا نفسى اكون قاعد قدامك دلوقتى وانتى زى ما انتى وانا زى ما انا ( يعنى انا قصدى زى ما انا فى وقتها بنفس هدومى وفى نفس التوقيت كدة يعنى ) ل
ضحكت ضحكة ساعتها انا بعتبرها احسن حاجة حصلتلى فى حياتى ضحكة من غير صوت او التعبير الصح ابتسمت ابتسامة خفية بس انا شوفتها من التليفون
معنى الابتسامة ان هى فرحت ان احساسى طلع زى احساسها
وانا كمان فرحت لانى حسيت ان هى فهمت اللى انا حاسه جوايا
وياريت انتوا كمان تكونوا فاهمين ايه اللى كان جوايا
وصدقونى ان شاء الله هكمل قريب جدا
وسامحونى لانى وقفت النهاردة لغاية هنا
see uuuuu very soooooon
